پاکستانیوں کو دہری شہریت دینے والا 22 واں ملک لکسمبرگ بن گیا

پاکستان نے یورپی ملک لکسمبرگ کے ساتھ دہری شہریت کی منظوری دے دی ہے جس کے بعد اب پاکستانی ، لکسمبرگ اور لکسمبرگ کے شہری پاکستان کی دہری شہریت رکھ سکیں گے ۔ بیلجیم اور جرمنی کی سرحدوں پر واقع لکسمبرگ یورپ کا ایک لینڈ لاک چھوٹا سا ملک ہے جو اپنے دلکش قدرتی مناظر کی وجہ سے شہرت رکھتا ہے ۔ لکسمبرگ ، پاکستان کے ساتھ دہری شہریت کا معاہدہ کرنے والا 22 واں ملک بن گیا ہے ۔
لکسمبرگ سے پہلے پاکستان کے ساتھ دہری شہریت کا جن 21 ممالک سے معاہدہ ہے ان میں
امریکا ، برطانیہ ، فرانس ، اٹلی ، بیلجیم ، آئس لینڈ ، آسٹریلیا ، نیوزی لینڈ ، کینیڈا ، فن لینڈ ، مصر ، اردن ، شام ، سوئٹزرلینڈ ، نیدرلینڈز ، سویڈن ، آئرلینڈ ، بحرین ، ڈنمارک ، جرمنی اور ناروے شامل ہیں ۔