پاکستانی کرکٹ ٹیم نیوزی لینڈ میں ہونیوالی سہ فریقی ٹی ٹونٹی سیریز میں حصہ لے گی

لاہور(پاک ترک نیوز) قومی کرکٹ ٹیم نیوزی میں ہونیوالی سہ فریقی ٹی ٹونٹی سیریز میں حصہ لے گی ۔
تین ملکی سیریز میں پاکستان اور نیوزی لینڈ کے علاوہ بنگلہ دیش بھی اس سیریز کا حصہ ہوگی ۔
سیریز ہیگلے اوول کرائسٹ چرچ میں 7 سے 14 اکتوبر تک کھیلی جائے گی۔پاکستان اپنا پہلا میچ 7 اکتوبر کو بنگلہ دیش کے خلاف کھیلے گا۔
سیریز میں پاکستان اور نیوزی لینڈ کی ٹیمیں 8 اکتوبر کو مدمقابل آئیں گی۔سیریز کا فائنل 14 اکتوبر کو کھیلا جائے گا۔
قومی کرکٹ ٹیم کے کپتان بابر اعظم کا کہنا ہے کہ ٹی ٹونٹی ورلڈ کپ سے قبل نیوزی لینڈ میں شیڈول سہ فریقی ٹی ٹونٹی سیریز میں شرکت کرنے پر بہت خوش ہوں ۔
سہ فریقی ٹی ٹونٹی سیریز کے بعد قومی ٹیم آسٹریلیا روانہ ہوجائے گی، جہاں کھیلے جانے والے آئی سی سی ٹی20 ورلڈکپ میں پاکستان اپنا پہلا میچ 23 اکتوبر کو میلبرن میں روایتی حریف بھارت کے خلاف کھیلے گا۔