پاکستان اور انگلینڈکے درمیان پہلا ٹی ٹونٹی میچ آج کھیلا جائے گا

کراچی(پاک ترک نیوز) پاکستان اور انگلینڈ کے درمیان سات میچوں پر مشتمل سیریز کا پہلا ٹی ٹونٹی میچ آج کراچی کے نیشنل سٹیڈیم میں کھیلا جائے گا۔ سیریز کی تیاریاں مکمل ہوچکی ہیں اور گزشتہ روز ٹرافی کی رونمائی بھی کی گئی۔پاکستانی وقت کے مطابق شام ساڑھے 7 بجے شروع ہوگا۔
17برس بعد پاکستان کا دورہ کرنیوالی انگلینڈ ٹیم 7 ٹی ٹوئنٹی میچز کی سیریز کے چار میچز کراچی اور تین لاہور میں ہوں گے۔
جوز بٹلر انجری کی وجہ سے کراچی میں ہونے والے میچز میں شرکت نہیں کرسکیں گے، اس دوران کپتانی کے فرائض معین علی انجام دیں گے
کپتان معین علی کا کہنا ہے کہ شاید بٹلر آخری دو میچز کیلئے ٹیم کو دستیاب ہوں گے۔گرین شرٹس ہوم کنڈیشنز میں حریف کو زیر کرنے کیلئے پر امید ہے۔
اعداد و شمار کے مطابق تو انگلینڈ اور پاکستان کے درمیان اب تک کل 21 ٹی 20 میچز کھیلے گئے ہیں جن میں سے 13 میں انگلینڈ نے کامیابی حاصل کی ہے جبکہ گرین شرٹس صرف 6 میچز جیت سکی ہے اور ایک میچ بے نتیجہ رہا۔