پاکستان کو سعودی عرب سے 3ارب ڈالرموصول

اسلام آباد (پا ک ترک نیوز) مشیر خزانہ شوکت ترین کا کہنا ہے کہ پاکستان کو سعودی عرب سے 3ارب ڈالرموصول ہو گئے ۔انہوں نے سعودی قیادت سے اظہار تشکر کیا۔سعودی عرب نے پاکستان کو تیل ادھار دینے کا بھی اعلان کررکھاہے ، سعودی عرب ایک ارب 20 کروڑ ڈالر کاتیل ایک سال کی ادائیگی پر دے گا۔
پاکستان کو سعودی عرب کی جانب سے3ارب ڈالرموصول ہوگئے،ذرائع کا کہنا ہے کہ سعودی ڈویلپمنٹ فنڈ کے اسٹیٹ بینک ذخائر میں 3ارب ڈالر کے ڈیپازٹس جمع کرائے گئے۔
ذرائع کا کہنا تھا کہ سعودی عرب کاپیکیج معیشت کی بہتری اور روپے کےاستحکام میں معاون ہوگا۔
دوسری جانب مشیر خزانہ شوکت ترین نے ٹوئٹر پر تصدیق کی کہ سعودی عرب کی جانب سے3ارب ڈالر کے ڈیپازٹس اسٹیٹ بینک کوموصول ہوگئے ہیں ، سعودی مملکت اورولی عہدمحمدبن سلمان کےشکرگزارہیں۔
یاد رہے اسٹیٹ بینک آف پاکستان اور سعودی فنڈ فار ڈیولپمنٹ کی جانب سے مشترکہ اعلامیہ جاری کیا گیا تھا ، جس میں کہا تھا کہ سعودی فنڈفارڈیولپمنٹ اور اسٹیٹ بینک میں ڈپازٹ معاہدے پر دستخط ہوگئے ، دستخط سعودی فنڈچیف ایگزیکٹوآفیسرہزایکسی لینسی سلطان بن عبدالرحمٰن المرشد نے کئے۔
گورنر اسٹیٹ بینک رضا باقر نے بینک دولت پاکستان کراچی میں دستخط کئے تھے ، معاہدے کے تحت سعودی فنڈاسٹیٹ بینک کےپاس 3ارب ڈالر رکھوائے گا اور ڈپازٹ رقم اسٹیٹ بینک زرمبادلہ ذخائر کا حصہ بنے گی۔