پی ایس ایل 7، پوائنٹس ٹیبل کی پہلی اور آخری پوزیشن پر موجود ٹیموں میں جوڑ پڑے گا

لاہور(پاک ترک نیوز) لاہور کے قذافی سٹیڈیم میں جاری پاکستان سپر لیگ (پی ایس ایل )7کے 23ویں میچ میں آج کراچی کنگز اور ملتان سطانز میں جوڑپڑے گا۔
پوائنٹس ٹیبل پر موجود سب سے اوپر اور سب سے نیچے والی ٹیمیں آج مد مقابل ہوں گی ۔میچ شام ساڑھے سات بجے کھیلا جائے گا۔پلے آف مرحلے میں پہنچنے والی پہلی ٹیم ٹیم ملتان نے ایک اور فتح پر نظریں جما لیں۔
ایونٹ میں مسلسل سات مرتبہ ہار کا سامنا کرنے والی ٹیم کراچی بھی اپنی جیت کیلئے پرعزم ہے۔ دونوں ٹیموں کے مابین اب تک ہونے والےسات مقابلوں میں کنگز کو برتری حاصل ہے، ،سلطانز کو 5 مرتبہ شکست کا سامنا کرنا پڑا۔
کرکٹ شائقین کو بابراعظم اور محمد رضوان میں تگڑے مقابلے کا بے صبری سے انتظار ہے۔