افغان حکومت نے وائس آف امریکہ سمیت متعدد چینلز پر پابندی عائد کردی

کابل (پاک ترک نیوز) افغان حکومت نے پریس قوانین کی خلاف ورزی پر وائس آف امریکا سمیت دیگر چینلز پر پابندی عائد کردی ہے۔
اس حوالے سے طالبان وزارت خارجہ کا کہنا ہے کہ افغانستان میں پریس قوانین موجود ہیں، جو نیٹ ورک ان قوانین کی مسلسل خلاف ورزی کرے گا اس سے افغانستان میں رپورٹنگ اور نشریات کا حق واپس لے لیا جائے گا، وی او اے اور ریڈیو آزادی ان قوانین کی پابندی کرنے اورپیشہ ورانہ انداز میں نشریات چلانے میں ناکام ہوگئے ہیں، اس لیے انہیں بند کردیا گیا ہے۔
وائس آف امریکا کے مطابق طالبان نے وی او اے ، ریڈیو آزادی اور ریڈیو فری یورپ کی نشریات پر پابندی لگا دی ہے، طالبان کا موقف ہے کہ پابندی پروگراموں کے مواد سے متعلق شکایات موصول ہونے کے بعد لگائی گئی ہے۔