امریکی ڈالر کی قیمت میں بڑا اضافہ

لاہور(پاک ترک نیوز) امریکی کرنسی کی قدر میں مسلسل اضافہ ہو رہا ہے، آج پھر ڈالر کی قدر میں بڑا اضافہ ہوا ہے۔
تفصیلات کے مطابق انٹر بینک میں ڈالر کی قدر میں 4 روپے 8 پیسے کا بڑا اضافہ دیکھا گیا ہے جس کے بعد انٹر بینک مارکیٹ میں امریکی کرنسی 229 روپے 50 پیسے پر ٹریڈ کر رہی ہے۔واضح رہے کہ 16 اگست سے انٹربینک میں ڈالر 15 روپے 10 پیسے مہنگا ہو چکا ہے۔
عالمی مالیاتی ادارے ( آئی ایم ایف) کی جانب سے قرض کی قسط موصول ہونے کے باوجود روپے کے مقابلے میں امریکی ڈالر کی قدر میں اضافہ کا تسلسل برقرار ہے۔