انٹر بینک میں ڈالر 220روپے کی سطح عبور کرگیا
کراچی(پاک ترک نیوز) روپے کے مقابلے میں امریکی کرنسی ڈالر کی قیمت میں اضافے کا سلسلہ جاری ہے ۔ انٹر بینک میں ڈالر 220روپے کی سطح عبور کر گیا ۔
تفصیلات کے مطابق انٹر بینک میں کاروباری ہفتے کے تیسرے روز کاروبار کے آغاز پر امریکی کرنسی کی قدر میں 79پیسے اضافہ دیکھنے میں آیا جس کے بعد ڈالر220 روپے 50 پیسے پر ٹریڈ کر رہا ہے ۔
یاد رہے کہ گزشتہ ہفتے کاروبار کے اختتام پر انٹربینک میں ڈالر کی قدر میں معمولی اضافہ ہوا اور ڈالر 5 پیسے مہنگا ہو کر 218 روپے 43 پیسے پر بند ہوا جب کہ اوپن مارکیٹ میں 4 روپے مہنگا ہو کر 226 روپے پر بند ہوا تھا۔