آئی سی سی ویمنز ورلڈ کپ 2022،پاکستانی خواتین ٹیم کا اعلان کردیا گیا

لاہور(پاک ترک نیوز) پاکستان کرکٹ بورڈ (پی سی بی ) نے آئی سی سی ویمنز ورلڈکپ 2022 کیلئے قومی ویمن ٹیم کا اعلان کردیا۔ بسمہ معروف کی دو برس بعد قومی کرکٹ ٹیم میں واپسی ہوئی ہے وہ ورلڈ کپ میں ویمنز ٹیم کی قیادت کریں گی جبکہ ندا ڈار ان کی نائب ہوں گی ۔ناہیدہ خان اور غلام فاطمہ کی پندرہ رکنی سکواڈ میں واپسی ہوئی ۔ کائنات امتیاز اور سعدیہ اقبال انجریز کے باعث اسکواڈ کا حصہ نہ بن سکیں۔
اعلان کردہ اسکواڈ میں بسمہ معروف (کپتان)، ندا ڈار (نائب کپتان)، ایمن انور اور عالیہ ریاض شامل ہیں، دیگر کھلاڑیوں میں انعم امین، ڈیانا بیگ، فاطمہ ثناء، غلام فاطمہ اور جویریہ خان شامل، منیبہ علی، ناہیدہ خان، نشرہ سندھو، عمیمہ سہیل، سدرہ امین اور سدرہ نواز(وکٹ کیپر) بھی اسکواڈ کا حصہ ہوں گی۔
ارم جاوید، طوبہٰ حسن اور وکٹ کیپر نجیہ علوی ٹریولنگ ریزرو کی حیثیت سے اسکواڈ کے ہمراہ سفر کریں گی۔
عائشہ جلیل (ٹیم منیجر)، ڈیوڈ ہیمپ (ہیڈ کوچ)، ارشد خان (اسسٹنٹ کوچ)، کامران حسین (اسسٹنٹ کوچ) اور صبور احمد (اسٹرینتھ اینڈ کنڈیشنگ کوچ) ٹیم منیجمنٹ کا حصہ، زبیر احمد (ویڈیو اینالسٹ)، احسن افتخار ناگی (میڈیا اینڈ ڈیجیٹل کنٹنٹ مینیجر) اور رفعت گل (فزیو تھراپسٹ) بھی اسپورٹ اسٹاف کا حصہ ہوں گے۔