آصف علی نے آئی سی سی پلیئر آف دی منتھ کا ٹائٹل اپنے نام کرلیا
دبئی(پاک ترک نیوز) جارح مزاج پاکستانی بلے باز آصف علی نے آئی سی سی کے پلئیر آف دی منتھ کا ٹائٹل اپنے نام کرلیا ہے۔سکاٹ لینڈ کی لارا ڈینلے ویمن پلیئر آف دی منتھ قرار پائیں۔
انٹر نیشنل کرکٹ کونسل نے اکتوبر کیلئے پلئیر آف دی منتھ کے خوش نصیب کھلاڑی کا اعلان کردیا ہے، پلئیر آف دی منتھ کی نامزدگی میں آصف علی کے ساتھ ساتھ بنگلہ دیش کے شکیب الحسن اور نمیبیا کے ڈیوڈویزے شامل تھے۔
تاہم آصف علی نے بنگلہ دیش کے شکیب الحسن اور نمیبیا کے ڈیوڈ ویزے کو شکست دیتے ہوئے آئی سی سی کے پلئیر آف دی منتھ کا ٹائٹل اپنے نام کرلیا۔
بیان میں کہا گیا کہ پاکستان کے لوئر آرڈر پر بلے بازی کرنے والے آصف علی کو نیوزی لینڈ کے خلاف 12 گیندوں پر برق رفتار 27 رنز اور افغانستان کے خلاف 19 ویں اوور میں چار چھکوں کی شاندار کارکردگی کے باعث نامزد کیا گیا تھا۔
آئی سی سی کے پلیئر آف دی منتھ کی فہرست میں بنگلہ دیش کے آل راؤنڈ شکیب الحسن اور نمیبیا کے آل راؤنڈر ڈیوڈ ویزے کو بھی شامل کیا گیا ہے، شکیب الحسن نے گو کہ انجری کے باعث ورلڈ کپ کے بقیہ میچز سے باہر ہوئے تھے۔
نمیبیا کے آل راؤنڈر ڈیوڈ ویز ے نے اپنی ٹیم کو ٹی 20 ورلڈ کپ کے سپر 12 مرحلے میں پہنچانے میں اہم کردار ادا کیا جس کےباعث ان کی نامزدگی عمل میں لائی گئی تھی۔