ایشیا کپ : افغانستان کو بنگلہ دیش کا چیلنج درپیش
دبئی (پاک ترک نیوز) متحدہ عرب امارات کے شہر دبئی میں جاری ایشیا کپ کے تیسرے میچ میں بنگال ٹائیگرز کو افغانستان کا چیلنج درپیش ہے ۔
تفصیلات کےمطابق ایشیا کپ 2022کے تیسرے میچ میں آج افغانستان اور بنگلہ دیش کا جوڑ پڑے گا ۔پاکستانی وقت کے مطابق میچ شام سات بجے کھیلا جائے گا ۔ افغانستان نے افتتاحی میچ میں سری لنکا کو شکست دی تھی۔بنگال ٹائیگرز ایونٹ کا پہلا میچ جیتنے کیلئے پرعزم ہیں ۔
اس سے قبل گزشتہ روز کھیلے گئے میچ میں بھارت نے پاکستان کو سنسنی خیز مقابلے میں پانچ وکٹوں سے شکست دیدی تھی۔
پاکستان نے بھارت کو جیت کے لیے 148 رنز کا ہدف دیا تھا جسے بھارتی ٹیم نے آخری اوور کی چوتھے گیند پر پانچ وکٹوں کے نقصان پر پورا کر لیا۔ ہاردیک پانڈیا نے چھکا لگا کر میچ کا اختتام کیا۔
پاکستان کی جانب سے محمد نواز نے تین اور ڈیبیو کرنے والے نوجوان فاسٹ باولر نسیم شاہ نے دو کھلاڑیوں کو آؤٹ کیا۔ نسیم شاہ دوران باولنگ انجری کا بھی شکار ہوگئے۔