ایشیا کپ : بھارت اور ہانگ کانگ کی ٹیمیں آج میدان میں اتریں گی

دبئی (پاک ترک نیوز) متحدہ عرب امارات کے شہر دبئی میں جاری ایشیا کپ میں بھارت کا مقابلہ ہانگ کانگ سے ہو گا ۔بھارت نے پہلے میچ میں پاکستان کو شکست دی تھی۔
تفصیلات کےمطابق یو اے ای میں جاری ایشیا کپ کے چوتھے میچ میں ہانگ کانگ کو بھارت کا چیلنج درپیش ہے ۔ ہانگ کانگ ایونٹ میں پہلا میچ کھیل رہی ہے جبکہ بھارت نے اپنے پہلے میچ میں پاکستان کو شکست دی تھی۔بھارت اگر میچ جیت جاتی ہے تو وہ سپر فور میں پہنچ جائے گی ۔
گزشتہ روز کھیلے گئے میچ میں افغانستان نے بنگلہ دیش کو شکست دی اور سپر فور میں جگہ پکی کرنیوالی پہلی ٹیم بن گئی تھی ۔ افغانستان نے افتتاحی میچ میں سری لنکا کو بھی شکست دی تھی۔
بنگلہ دیش نے ٹاس کر جیت کر پہلے بیٹنگ کا فیصلہ کیا تھا جو کارگر ثابت نہ ہوا اور پوری ٹیم مقررہ اوورز میں 127رنز بنا کر آئوٹ ہو گئی۔
افغانستان نے مطلوبہ ہدف تین وکٹوں کے نقصان پر پورا کرلیا تھا۔