ایکسپو دبئی: 26 دن میں 16 لاکھ افراد نے وزٹ کیا

دبئی(پاک ترک نیوز) ایکسپو 2020 دبئی نے اپنے آغاز سے لے کر آج تک 26 دن کے دوران 16 لاکھ افراد نے وزٹ کیا۔ ایکسپو 2020 دبئی کو عالمی ڈیجیٹل سامعین کے سامنے لاتے ہوئے یکم اکتوبر سے ورچوئل وزیٹرز کی تعداد بڑھ کر 10.8 ملین ہو گئی ہے جو کہ گزشتہ ہفتے 9.3 ملین تھی۔ دنیا کی سب سے بڑی نمائش میں پاکستان، ترکی اور آذربائیجان سمیت 192 ممالک شریک ہیں۔

لوگوں کی تعداد میں یہ اضافہ ایکسپو کے اسپیس ویک، موسیقی اور ثقافتی پرفارمنس کے شاندار پروگرام، ایک طویل ویک اینڈ اور نصف مدتی اسکول کے وقفے کے باعث ہوا۔ ایلون مسک سے لے کر جیف بیزوس تک خلا حال ہی میں دنیا کی اگلی بڑی سرمایہ کاری کی سرحد کے طور پر ابھرا ہے۔

اس پر توجہ مرکوز کرتے ہوئے دبئی چیمبر آف کامرس، متحدہ عرب امارات کی خلائی ایجنسی اور محمد بن راشد خلائی مرکز نے اس اہم شعبے کی کمرشلائزیشن کے پیش کردہ چیلنجوں اور مواقع پر مباحثوں کا ایک سلسلہ شروع کیا۔ خلائی ہفتہ بھی اہم موضوعات جیسے کہ خلائی ملبے کے اثرات، صنعت کی حالیہ تکنیکی ترقی اور بیرونی خلا میں اپنی شناخت بنانے والی خواتین کی بڑھتی ہوئی تعداد کے حوالے سے سیر حاصل گفتگو ہوئی ۔

اس ہفتہ کے دوران شرکاء نیبولا میوزک سننے اور ممتاز فنکاروں اور متحدہ عرب امارات کے پہلے خلاء بازوں سے ملاقات اور بات چیت کا موقع بھی ملا۔ بچوں نے سکول کے وقفے کے دوران ایکسپو سائٹ پر تقریباََ ایک چوتھائی دورے کیے جو کہ کرکٹ کی بڑی کمپنیوں راجستھان رائلز کے کوچنگ پروگرام اور ٹرن اپ اینڈ پلے فٹ بال سیشنز بشمول مانچسٹر سٹی کے کوچز کے زیر اہتمام کوچنگ پروگرام کی طرف متوجہ ہوئے۔ 30

ستمبر کو ایک شاندار افتتاحی تقریب کے بعد سے یہ رفتار کم نہیں ہوئی اور متحدہ عرب امارات، مشرق وسطیٰ اور دنیا بھر سے بھرپور ٹیلنٹ آرہا ہے۔ سیاح اور شرکاء روزانہ 200 سے زیادہ پویلین میں درجنوں ثقافتی پروگراموں سے لطف اندوزہورہے ہیں۔

حالیہ طویل ہفتے کے آخر میں ایکسپو 2020 دبئی کے خواتین پر مشتمل فردوس آرکسٹرا کی ایک پرفارمنس میں بڑی تعداد میں لوگوں نے شرکت کی۔ انہوں نے جوبلی اسٹیج کو کلاسیکل موسیقی اور آسکر ایوارڈ یافتہ موسیقار اے آر رحمان کی اوریجنل کمپوزیشن سے سجا دیا۔ تاریخ کے کامیاب ترین عرب فنکاروں میں سے ایک عراقی میگا اسٹار قدیم الصاحر نے ایکسپو 2020 دبئی کی شاندار لامحدود راتوں کی سیریز کا آغاز کیا۔

شام کے موسیقار، نغمہ نگار اور پروڈیوسر ایاد ریماوی نے بھی شاندار پرفارمنس کا مظاہر ہ کیا ۔ اسکے علاوہ باقاعدہ تقریبات جیسے نائٹ ٹائم لائٹ فیسٹیول کیلیڈوسکوپ بہت زیادہ مقبول ثابت ہوا ہے۔ اسکے علاوہ شاندار ایکسپو 2020 واٹر فیچر بھی ہے جس میں پانی 14 میٹر تک اوپر جاتا ہے اور دیکھنے والوں کو 360 ڈگری کے شاندار نظارے دیتا ہے۔

سیاحوں اور شرکاء کے کھانے کیلئے ایکسپو سائٹ پر200 سے زائد کھانے اور مشروبات آؤٹ لیٹ بنائے گئے ہیں جہاں پچاس سے زائد عالمی کوزین فراہم کی جارہی ہیں۔