بابراعظم ٹیسٹ کرکٹ میں 3ہزار رنزمکمل کرنیوالے 19ویں پاکستانی بن گئے

لاہور(پاک ترک نیوز) پاکستان کرکٹ ٹیم کے کپتان بابراعظم ٹیسٹ کرکٹ میں 3ہزار رنز مکمل کرنیوالے 19ویں پاکستانی بن گئے ۔
انہوں نے ٹیسٹ 41 ٹیسٹ کی 73 اننگز میں 3 ہزار رنز بنائے، جس میں 21 نصف سنچریاں جبکہ 7 سینچریاں شامل ہیں۔
قومی کپتان بابر اعظم نے یہ کارنامہ سری لنکا کے خلاف پہلے ٹیسٹ میچ کی چوتھی اننگز میں 30 رنز مکمل کرکے کیا ۔اس سے قبل قومی بلے باز اسد شفیق نے 2016 میں پاکستان کی جانب سے کھیلتے ہوئے 3 ہزار سے زائد رنز کا ہندسہ عبور کیا تھا۔
حال ہی میں دورہ سری لنکا کے دوران کپتان بابراعظم نے انٹرنیشنل کرکٹ میں 10 ہزار رنز مکمل کرنے کا اعزاز اپنے نام کیا تھا۔