بابر اعظم اور فخر زمان عمرے کی سعادت حاصل کرنے سعودی عرب پہنچ گئے
لاہور(پاک ترک نیوز) قومی کرکٹ ٹیم کے کپتان بابراعظم اور اوپنر بیٹر فخر زمان عمرے کی سعادت حاصل کرنے کیلئے سعودی عرب پہنچ گئے۔
بابر اعظم اور فخر زمان کی مسجد نبوی ؐ میں لی گئی تصاویر سوشل میڈیا پر وائرل ہو گئیں ۔ شیئر کی گئی تصاویر میں بابر اعظم اور فخر زمان کے ہمراہ مسجد نبوی ؐ کے صحن میں خوشگوار موڈ میں دیکھا جاسکتا ہے۔
تصاویر میں بابر اعظم اور فخر زمان کو قمیض شلوار پہنے سر پر ٹوپی لیے دیکھا جا سکتا ہے۔ دوسری جانب فخر زمان نے بھی انسٹاگرام اکاؤنٹ پر ایک تصویر شیئر کرتے ہوئے مداحوں کو سعودیہ پہنچنے کی اطلاع دی۔ شیئر کی گئی تصویر میں فخر زمان کو مسجد نبوی ؐ میں بیٹھے دیکھا جا سکتا ہے۔