برطانیہ میں 30ستمبر تک پرانے نوٹ تبدیل کروائے جا سکیں گے

لندن (پاک ترک نیوز) برطانیہ میں30ستمبر تک 20اور 50پائونڈز کے نوٹ تبدیل کروائے جا سکیں گے ۔نئے بادشاہ کی تصویر والے نوٹ بھی جلد جاری کردیئے جائیں گے ۔
اس حوالے سے برطانوی حکومت کا کہنا ہے کہ کرنسی نوٹ تبدیل کروانے کی آخری تاریخ تک عوام پرانے کاغذی نوٹ استعمال کرلیں یا بینکوں اور ڈاک خانوں میں جمع کروا دیں۔
بینک آف انگلینڈ نے گزشتہ سال نئے پولیمر ورژن کے نوٹ جاری کیے تھے، زیر گردش 20 اور 50 پاؤنڈ کے نوٹوں کی اکثریت نئے نوٹوں سے بدل دی گئی ہے۔
بینک آف انگلینڈ کے مطابق جعلسازی سے بچنے اور زیادہ پائیداری کے لیے نئے پولیمر نوٹ جاری کیے گئے تھے، اس سے قبل 5 اور 10 کے پولیمر کرنسی نوٹ بھی جاری کیے جا چکے ہیں۔