بگ بیش لیگ ،سڈنی تھنڈر 15پر آل آئوٹ ،کوئی کھلاڑی ڈبل فیگر میں داخل نہ ہوا

سڈنی (پاک ترک نیوز) بگ بیش لیگ میں سڈنی تھنڈ ر کی پوری ٹیم محض 15رنز کا پویلین لوٹ گئی ۔ کوئی بھی بلے باز ڈبل فیگر داخل نہ ہو سکا ۔
تفصیلات کے مطابق سڈنی میں کھیلے گئے بگ بیش لیگ کے میچ میں ایڈیلیڈ سٹرائیکر کے 140رنز کے ہدف کے تعاقب میں سڈنی تھنڈر محض 15رنز پر آئوٹ ہو گئی اور اس کا کوئی بھی بلے باز ڈبل فیگر میں داخل نہ ہو سکا ۔
ایڈیلیڈ سٹرائیکر نے ٹاس جیت کر پہلے بیٹنگ کا فیصلہ کیا اور مقررہ بیس اوورز میں 9وکٹوں کے نقصان پر 139رنز بنائے ۔کرس لین نے 36جبکہ گرینڈہوم نے 33رنز کی اننگز کھیلی۔
تھنڈر کی جانب سے فض الحق فاروقی نے تین جبکہ سندھو نے دو کھلاڑیوں کو آئوٹ کیا۔
سڈنی تھنڈر 140رنز کے ہدف میں محض 15رنز پر آل آئوٹ ہو گئی ۔سڈنی تھنڈر کا کوئی بھی بلے باز ڈبل فیگر میں داخل نہ ہوا ۔ڈوجٹ نے 4جبکہ روسو نے تین رنز بنائے ۔
سٹرائیکر کی جانب سے تھونٹن نے 5،اگار نے چار کھلاڑیوں کو ائوٹ کیا ۔