تحریک انصا ف نے چیف الیکشن کمشنر کی برطرفی کیلئے ریفرنس دائر کر دیا

اسلام آباد(پاک ترک نیوز) پاکستان تحریک انصاف (پی ٹی آئی )نے چیف الیکشن کمشنر سکندر سلطان راجہ کی برطرفی کیلئے ریفرنس سپریم جوڈیشل کونسل میں دائر کر دیا۔
پی ٹی آئی کی جانب سے دائر کئے گئے ریفرنس میں الزام عائد کیا گیا ہے کہ چیف الیکشن کمشنر سکندر سلطان راجہ مبینہ طور پر جانب دار ہیں، چنانچہ وہ اس عہدے کے اہل نہیں ہیں، اس لیے انہیں عہدے سے ہٹایا جائے۔
واضح رہے کہ چیف الیکشن کمشنر کا عہدہ آئینی عہدہ ہے اور انہیں ہٹانے کا طریقہ کار آئین کے تحت وہی ہے جو کسی جج کو ہٹانے کے لیے ہے اور اس کی منظوری صرف سپریم جوڈیشل کونسل دے سکتی ہے۔