ترکی میںسونے کے ذخائر کو لیرا میں تبدیل کرنے کےترغیبی پیکیج کا اعلان
انقرہ (پاک ترک نیوز)ترکی کے مرکزی بینک نے سونے کے ذخائر اور شرکت کی رقوم کو ترک لیرا کے ٹرم ڈپازٹ اکاؤنٹس میں تبدیل کرنے والوں کے لئے ایک مراعاتی پیکیج کا اعلان کر دیا ہے۔
گذشتہ روز اٹھایا گیا یہ اقدام لیرا کی قدرکو فروغ دینے کے لیے جاری کوششوں کا حصہ ہے اور صدر رجب طیب ایردوان کی جانب سے کرنسی کے اتار چڑھاؤ سے لیرا کے ذخائر کو بچانے کے لیے ایک اسکیم کا اعلان کرنے کے ایک ہفتے بعد سامنے آیا ہے، جس نے کرنسی کی قدر میںحالیہ سلائیڈ کو پلٹ دیاہے اور اب تک لیرا قدر میںدوبارہ 50فیصد اضافہ ہو چکا ہے۔
تجزیہ کاروں کے مطابق، اس وقت سونے کے کھاتوں میں کل رقم کی مالیت 270 ارب لیرا ہے جو 224ارب ڈالر کے برابرہے ۔جن میں 3ماہ کی میچورٹی والے کھاتوںکی مالیت تقریباً 5ارب لیرا ہے۔
ایردوان کے اعلان سے پہلے لیرا امریکی ڈالر کے مقابلے میں 18.4 کی کم ترین سطح پر پہنچ گیا تھا، شرح سود میں کمی کے بعد مہنگائی میں اضافے کے خدشات کے درمیان ٹرکش لیرا نے جمعہ کو ریکارڈ کے لحاظ سے اپنے مضبوط ترین ہفتہ کا اختتام کیا، حکومت کے بعض ذخائر پر غیر ملکی کرنسی کے نقصانات کو پورا کرنے کے اقدام کے بعدلیرا کی قدر میں 50 فیصد سے زیادہ اضافہ ہوا۔تاہم بدھ کے روزلیرا کی قدر 26فیصدنیچے آئی اور وہ 12.03 فی ڈالرپر ٹریڈ ہوا۔
نئی فاریکس پروٹیکٹڈ ٹرکش لیرا ڈپازٹ مالیاتی مراعات ان لوگوں کے لیے دستیاب ہوں گی جن کے پاس تین، چھ، نو یا 12 ماہ کی میچورٹی کے ساتھ لیرا ڈپازٹ اکاؤنٹ ہیں۔اس سہولت کے تحت، اگر پیداوار شرح مبادلہ سے کم رہتی ہے، تو حکومت نے لیرا اور مساوی ڈالر کے ذخائر میں بچت کی قیمت کے درمیان فرق کو ادا کرنے کا وعدہ کیا ہے۔