ترک باکسر دوران فائٹ دل کا دورہ پڑنے سے چل بسا

میونخ (پاک ترک نیوز) جرمن باکسنگ چیمپئن کے دوران ترک باکسر موسی یامک دوران فائٹ ہارٹ اٹیک کے باعث چل بسا ۔
جرمنی کے شہر میونخ میں 38 سالہ ترک باکسر موسیٰ یامک رنگ میں یوگنڈا کے حمزہ وینڈیرا سے باکسنگ کررہے تھے کہ میچ کے دوران انہیں اچانک دل کا دورہ پڑا جو جان لیوا ثابت ہوا۔موسیٰ کو فوری طبی امداد کے لیے ہسپتال منتقل کیا گیا تاہم ڈاکٹرز نے انکی موت کی تصدیق کی۔

Turkish-German boxer Musa Yamak, 38, died of a heart attack during a fight that was being broadcast live. pic.twitter.com/fSFEwVSlQC

— 3 ~ VaccineInjuries.ca (@M_T_L514) May 17, 2022

ترک عہدیدار حسن توران نے ٹوئٹر پر کہا کہ ہم نے اپنے ہم وطن موسٰی اسکان یامک کو کھودیا ہے، انہوں نے حال ہی میں یورپی اور ایشیائی چیمپئن شپ جیتی تھی۔ موسیٰ کا تعلق ترکی کے شہر ایلورہ سے تھا۔
فائٹ کے تیسرے راؤنڈ میں میچ کے دوران وینڈیرا نے یامک پر مکے برسائے تھے، جس کے باعث وہ لڑکھڑا گئے تھے، میچ تمام ڈیجیٹل پلیٹ فارمز پر لائیو نشر کیا جارہا تھا۔
ترک باکسر موسیٰ یامک مسلسل آٹھ میچوں سے ناقابلِ شکست تھے، انہوں نے پروفشنل باکسنگ کا آغاز سال 2017 میں کیا تھا جبکہ 2021 میں ورلڈ باکسنگ فیڈریشن انٹرنیشنل ٹائٹل جیتنے پر شہرت ملی تھی۔