تین ملکی سیریز سے ورلڈ کپ کیلئے کمبی نیشن کو حتمی شکل دینے میں مدد ملے گی،بابر اعظم

کرائسٹ چرچ (پاک ترک نیوز) قومی کرکٹ ٹیم کے کپتان بابر اعظم کا کہنا ہے کہ 3 ملکی سیریز سے کمبینیشن کو حتمی شکل دینے میں مدد ملے گی۔تین ملکی سیریز سے پاکستان کو بہت فائدہ ہو گا۔
قومی کپتان کا کہنا تھا کہ 3 ملکی سیریز اہم ہے اور اس سیریز سے پاکستان کو بہت فائدہ ہو گا ۔ ٹی 20 کرکٹ میں کوئی بھی ٹیم آسان نہیں ہوتی۔
انہوں نے کہا کہ انگلینڈ کے خلاف ہم نے مختلف کمبینیشن آزمائے جس سے اپنی خامیوں اور خوبیوں کا اندازہ ہوا۔ 3 ملکی سیریز سے کمبینیشن کو حتمی شکل دینے میں مدد ملے گی۔
ان کا کہنا تھا کہ بنگلا دیش کے خلاف بھرپور تیاری سے میدان میں اتریں گے۔ نیوزی لینڈ اور بنگلا دیش کے میچز ٹی 20 ورلڈ کپ کی تیاری میں معاونت کریں گے۔
قومی ٹیم کے کپتا ن بابر اعظم نے کہا کہ نیوزی لینڈ کی کنڈیشنز آسٹریلیا سے ملتی جلتی ہیں اور نیوزی لینڈ کی ٹیم اپنی ہوم کنڈیشنز میں سخت حریف ثابت ہوتی ہے۔ ان کے پاس کین ولیمسین، ٹم ساؤدی اور ٹرینٹ بولٹ جیسے تجربہ کار کھلاڑی موجود ہیں۔