حارث رؤف انجری کے باعث انگلینڈ کے خلاف ٹیسٹ سیریز سے باہر
لاہور(پاک ترک نیوز) قومی فاسٹ بائولر حارث رئوف انجری کے با عث انگلینڈ کے خلاف ٹیسٹ سیریز سے باہر ہو گئے ۔پی سی بی کے مطابق حارث رؤف جلد لاہور میں ری ہیب پروگرام شروع کریں گے۔سکواڈ میں حارث رؤف کے متبادل محمد عباس کو متبادل کے طور پر ٹیسٹ سکواڈ میں شامل کیے جانے کا امکان ہے۔
پاکستان کرکٹ بورڈ کے جاری کردہ بیان میں قومی کرکٹر حارث رؤف کے پاک انگلینڈ ٹیسٹ سیریز سے باہر ہونے کی تصدیق کرتے ہوئے بتایا گیا ہے کہ حارث رؤف کو ٹانگ کی دائیں جانب دباؤ محسوس ہورہا ہے، راولپنڈی ٹیسٹ کے پہلے روز حارث کے ایم آر آئی اسکین کیے گئے تھے۔