دبئی ایکسپو میں گلگت بلتستان کے روایتی ساز بجنے لگے
دبئی (پاک ترک نیوز) دبئی ایکسپو میں موجود پاکستان پویلین میں پورے مہینے گلگت بلتستان کے روایتی ساز بجیں گے ۔ متحدہ عرب امارات میں پاکستانی سفیر افضال محمود نے دبئی ایکسپو میں ماہ گلگت بلتستان کا افتتاح کردیا ۔
افتتاحی تقریب میں گلگت بلتستان کے روایتی لبا س پہنے فنکاروں نے موسیقی کے رنگ بکھیرے ۔
اس موقع پر گلگت بلتستان کے وزیر کاظم میثم نے اماراتی سیاحوں کو گلگت بلتستان آنے کی دعوت دی کہ وہ دنیا کے سرد ترین برفیلے صحرا کی سیر کو آئیں جہاں دنیا کی بلند ترین برف پوش چوٹیاں کے ٹو اور راکا پوشی آپ کی منتظر ہیں اور گلگت ، چترال ، ہنزہ اور کوہستان کی قدیم ثقافتیں اور پکوان راہ دیکھ رہے ہیں ۔