دورہ نیدر لینڈز اور ایشیا کپ کیلئے قومی ٹیم کا اعلان

لاہور(پاک ترک نیوز) پاکستان کرکٹ بورڈ نے دورہ نیدر لینڈز اور ایشیا کپ ٹی ٹونٹی کیلئے قومی ٹیم کا اعلان کردیا ۔
دورہ نیدرلینڈز میں تین ایک روزہ میچز کیلئے 16 کھلاڑیوں کا انتخاب کیا گیا جبکہ اے سی سی ٹی ٹونٹی ایشیا کپ کیلئے15 کھلاڑیوں کا اعلان کیا گیا۔

نسیم شاہ کو قومی سکواڈز میں شامل کرلیا گیا ہے۔قومی فاسٹ بائولر حسن علی کو دونوں ٹورز سے آرام دیا گیا ہے۔ نیدر لینڈز کیخلاف ٹیم میں کپتان بابر اعظم، نائب کپتان شاداب خان، عبداللہ شفیق، فخر زمان اور حارث رؤف قومی ون ڈے انٹرنیشنل اسکواڈ میں شامل ہیں۔
امام الحق، خوشدل شاہ، محمد حارث، محمد نواز، محمد رضوان اور محمد وسیم جونیئر بھی دورہ نیدرلینڈز کا حصہ ہوں گے۔نسیم شاہ، سلمان علی آغا، شاہین شاہ آفریدی، شاہنواز دھانی اور زاہد محمود بھی قومی ون ڈے انٹرنیشنل سکواڈ کا حصہ ہیں۔
اے سی سی ٹی ٹونٹی ایشیا کپ کے لیے اعلان کردہ سکواڈ کی قیادت بھی بابر اعظم کریں گے۔نائب کپتان شاداب خان، آصف علی، فخر زمان، حیدر علی، حارث رؤف اور افتخار احمد قومی ٹی ٹونٹی سکوآڈ کا حصہ ہوں گے۔