راولپنڈی میں ممکنہ سیاسی کشیدگی ،پاک ویسٹ انڈیز سیریز ملتان منتقل
لاہور(پاک ترک نیوز) راولپنڈی میں ممکنہ سیاسی کشیدگی کے باعث پاکستان کرکٹ بورڈ نے پاک ویسٹ انڈیز ون ڈے سیریز راولپنڈی سے ملتان منتقل کردی۔ باضابطہ اعلان آج شام کیا جائے گا۔
حکومت نے راولپنڈی میں ممکنہ سیاسی کشیدگی کی وجہ سے میچ شفٹ کرنے کی اجازت دی ہے جس سلسلے میں ویسٹ انڈیز کی ٹیم 5 جون کو ملتان پہنچے گی۔پاکستان اور ویسٹ انڈیز کے درمیان پہلا ون ڈے 8 جون کو ہوگا اور سیریز بائیو سکیور ببل کے بغیر ہوگی۔
پنجاب حکومت کی جانب سےدونوں ٹیموں کو غیر ملکی سربراہوں کے مساوی سکیورٹی دی جائے گی۔