راولپنڈی ٹیسٹ تیسرا دن،پاکستان کے 7وکٹوں کے نقصان پر 499رنز

راولپنڈی (پاک ترک نیوز) پاکستان اور انگلینڈ کے درمیان تین میچوں پر مشتمل سیریز کے پہلے ٹیسٹ میچ کی اپنی پہلی اننگز میں پاکستان نے تیسرے دن کے اختتام پر 7وکٹوں کے نقصان پر 499رنز بنا لئے ہیں۔ پاکستان کو پہلی اننگز کا خسارہ ختم کرنے کیلئے مزید 158رنز درکار ہیں ۔آغا سلما ن 10جبکہ زاہد محمود ایک رنز بنا کر کریز پر موجود ہیں ۔
پاکستان کی جانب سے کپتان بابراعظم نے 136،امام الحق نے 121جبکہ عبداللہ شفیق نے 114رنز بنائے ۔ انگلینڈ کی جانب سے ول جیکس نے تین ،لیچ نے دو کھلاڑیوں کو آئوٹ کیا ۔
اس سے قبل انگلینڈ نے اپنی پہلی اننگز میں 657رنز بنائے تھے ۔
اس میچ میں اب تک 7سنچریاں سکور ہو چکی ہیں جو کہ ایک ریکارڈ ہے ۔ ابھی مزید دو روز کا کھیل باقی ہے ۔