روسی سوشل میڈیا گرپ نے مغربی کمپنیوں کی متبادل ایپلی کیشنزمتعارف کروا دیں

ماسکو ( پاک ترک نیوز)
مغربی سوشل میڈیا پلیٹ فارمز کےروس میں خدمات محدود کرنے کے بعد روسی انٹرنیٹ گروپ وی۔ کےنے ایک گھریلو ایپ اسٹور کا آغاز کیا ہے۔تاکہ مغربی سوشل میڈیا کمپنیوں کی جگہ روس میں صارفین کو گھریلو ڈیجیٹل خدمات فراہم کی جا سکیں۔
وی۔کے جسے اکثر "روس کا فیس بک” کہا جاتا ہے نے اعلان کیا ہے کہ "آر یو سٹور”کے نام سے اسٹور کا بیٹا ورژن بدھ سےموبائل فون صارفین کے لیے دستیاب ہوگا۔
کریملن گھریلو ڈیجیٹل متبادلات کی تیز رفتار ترقی پر زور دے رہا ہے اور اس نے آن لائن اسپیس پر کنٹرول حاصل کرنے کے لیے اپنی برسوں سے جاری مہم کو تیز کر دیا ہے۔ میٹا کے انسٹاگرام اور فیس بک،ٹوئیٹر اور گوگل کی صارفین تک رسائی کو محدود کر دیا ہے۔اور اب
دنیا کے دو سب سے بڑے ایپ اسٹورز ایپل اور الفابیٹ کے گوگل کے پاس یوکرین میں ماسکو کے اقدامات کے جواب میں روسی صارفین کے لیے رسائی محدود ہو گئی ہے۔
وی۔کے جو گزپروم میڈیا کی جزوی ملکیت ہے اور سوشل میڈیا پلیٹ فارمز سے لے کر کھانے کی ترسیل تک بہت سی آن لائن سروسز کا مالک ہے۔وہ آج روس میں مغربی سروسز کو تبدیل کرنے کی دوڑ میں ایک رہنما کے طور پر ابھرا ہے۔
آر یو سٹورکو روس کی ڈیجیٹل ڈیولپمنٹ، کمیونیکیشنز اور ماس میڈیا کی وزارت کے ساتھ ساتھ روسی ٹیکنالوجی کمپنی یانڈیکس اورملک کے سب سے بڑےسبیر بنک کے علاوہ سائبر سیکیورٹی فرم کیسپرسکی لیب کے تعاون سے بنایا گیا ہے۔دریں اثنا لانچ کے وقت سٹور پر 100 سے زیادہ ایپلی کیشنز دستیاب تھیں، جن میں کچھ سرکاری خدمات بھی شامل تھیں اور یہ کہ ان ایپس میں روزانہ مزید اضافہ کیا جا رہا ہے۔