سعودی عرب کے جدید ترین شہر ’’ نیوم‘‘ میں فضائی ٹیکسیاں چلیں گی

ریاض(پاک ترک نیوز) سعودی عرب کے جدید ترین شہر نیوز میں فضائی ٹیکسیاں چلیں گی ۔سعودی حکومت اور جرمنی کمپنی کے درمیان معاہدہ طے پا گیا ۔
رپورٹ میں بتایا گیا کہ وولو کاپٹر نامی جرمنی کمپنی کا نیوم سٹی سے معاہدہ ہوا ہے جس کے تحت شہر کے اندر دنیا کی پہلی نقل وحمل کی ترقی وولوکاپٹر کی بدولت دیکھی جائے گی۔نیوم سٹی کی جانب سے 15 وولوکاپٹر ڈرون کی طرز کے ائیرکرافٹ کا آرڈر دیا گیا ہے تاکہ آئندہ دو سے تین برسوں میں اس طرح کی جدید پروازوں کا آغاز کیا جا سکے۔
تفصیلات کے مطابق سعودی عرب کے جدید شہر نیوم سٹی کی فضاؤں میں ڈرون کی طرز پر ہوائی ٹیکسیاں بھی نظر آئیں گی۔یہ فضائی ٹیکسیاں مسافروں سمیت سامان کی نقل وحمل کے لیے استعمال کی جائیں گی۔
شہری ان ٹیکسیوں کو ہنگامی بنیادوں کے لیے استعمال کرسکیں گے، یہ سیاحوں کو بھی اپنی خدمات فراہم کریں گی۔ نیوم کے چیف ایگزیکٹیو افسر نظمی النصر کا کہنا ہے کہ ٹرانسپورٹیشن سسٹم میں جدیدیت چاہتے ہیں، اس منصوبے کے ذریعے دنیا کو دکھائیں گے کہ نیوم ایک مثالی شہر ہے۔