شہرۂ آفاق تُرک سیریز ارطغرل غازی کے مرکزی کردار ’ارطغرل‘ کے ماموں کا کردار ادا کرنے والے اداکار حسین اوزے انتقال کرگئے۔
تفصیلات کے مطابق سیریز ’ارطغرل غازی‘ کے پروڈیوسر محمد بوزداغ نے اپنے انسٹاگرام اکاؤنٹ پر پوسٹ میں حسین اوزے کے انتقال کی اطلاع دی۔ان کی عمر 62 برس تھی ۔ ڈرامہ سیریل ’ارطغرل غازی‘ کے مایہ ناز کردار، ڈرامے میں ارطغرل غازی کے ماموں اور حائمہ خاتون کے بھائی” کورکوت بے” جسے پاکستانی ” خوشنود بے” کے نام سے جانتے ہیں، کا کردار ادا کرنے والے اداکار حسین اوزے انتقال کرگئے ہیں۔ ترک اداکار حسین اوزے 1959 میں پید اہوئے اور 1980 سے اب تک کئی ٹی وی ڈراموں، فلموں اور سیریل میں کام کیا۔