صادق آباد :مٹی کا تودہ گرنے سے ایک ہی خاندان کے 6بچے جاں بحق

صادق آباد(پاک ترک نیوز) صادق آباد کے نواحی علاقے بستی مکرانی میں مٹی کا تودہ گرنے سے ملبے تلے آ کر ایک ہی خاندان کے 6بچے جاں بحق جبکہ ایک شدید زخمی ہو گیا۔
صادق آباد کے نواحی علاقے بستی مکرانی میں مٹی کا تودہ کھیلتے ہوئے بچوں پر آ گرا، ملبے تلے دب کر 7 بچے زخمی ہوگئے، جنہیں قریبی انڈس ہسپتال منتقل کردیا گیا، تاہم زخموں کی تاب نہ لاتے ہوئے 6 بچے دم توڑ گئے، جب کہ ایک بچہ شدید زخمی حالت میں ہسپتال میں زیر علاج ہے۔
ہسپتال انتظامیہ کے مطابق مرنے والے بچوں کی عمریں 6 سے 10 سال کے درمیان ہیں اور تمام بچوں کا تعلق ایک ہی خاندان سے ہے، زخمی بچے کو طبی امداد فراہم کی جارہی ہے، اور جاں بحق ہونے والے 6 بچوں کی لاشیں ورثاء کے حوالے کر دی گئی ہیں۔