عمران خان آج پنجاب اور کے پی کے اسمبلیوں کی تحلیل کی حتمی تاریخ کا اعلان کریں گے

لاہور(پا ک ترک نیوز) سابق وزیراعظم اور چیئرمین پاکستان تحریک انصاف عمران خان آج پنجاب اور خیبر پختونخوا کی اسمبلیوں کی تحلیل کی حتمی تاریخ کا اعلان کریں گے ۔
عمران خان کی جانب سے اعلان کرتے وقت وزیراعلیٰ پنجاب چودھری پرویزالٰہی اور وزیراعلیٰ کے پی محمود خان ساتھ ہوں گے ، حتمی اعلان سے پہلے تحریک انصاف کا پنجاب میں سیاسی طاقت کا مظاہرہ کرنے کا فیصلہ کیا ہے، آج پنجاب کے ہر ڈویژنل ہیڈ کوارٹر میں جلسوں کا اہتمام، لاہور میں لبرٹی چوک میں سیاسی پاور شو ہوگا۔
وزیراعلیٰ پنجاب چودھری پرویزالٰہی اور محمود احمد خان چیئرمین پی ٹی آئی کے خطاب کے موقع پر انکے دائیں بائیں زمان پارک میں موجود ہوں گے، عمران خان سے آج پارٹی کے سینئر رہنما ملاقات کریں گے، خطاب کے نکات کو حتمی شکل دی جائے گی، لبرٹی چوک میں جلسے کے انتظامات کو بھی حتمی شکل دیدی گئی۔
سابق وزیراعظم عمران خان تمام ڈویژنل اجتماعات سے ویڈیو لنک کے زریعے خطاب کے دوران اسمبلیوں کی تحلیل کی حتمی تاریخ اور دیگر سیاسی اقدامات کا اعلان کریں گے، عمران خان کے فیصلوں کی توثیق کے لئے پنجاب اور خیبر پختونخوا کے وزرائے اعلیٰ عمران خان کے ساتھ ہوں گے۔
مرکزی اور صوبائی قائد ین لبرٹی چوک میں سٹیج پر موجود ہوں گے، لاہور کے پاور شو میں شیخوپورہ، ننکانہ صاحب اور قصور کے کارکن بھی شریک ہوں گے، لبرٹی چوک میں بڑی سیکرین لگا کر عمران خان کا خطاب سنایا جائے گا۔