عمران خان کا انسٹا گرام اکائونٹ ہیک

اسلام آباد (پاک ترک نیوز) سابق وزیراعظم اور پاکستان تحریک انصاف کے چیئرمین عمران خان کا انسٹا گرام اکائونٹ ہیک ہو گیا۔
سابق وزیراعظم عمران خان کے انسٹاگرام سٹوری پر دنیا کے امیر ترین شخص ایلن مسک کی ٹوئٹر پوسٹ شیئر کی گئی ہے۔پوسٹ کے کیپشن میں لکھا گیا ہے کہ ایلن مسک تین بٹ کوائن دینے کا شکریہ!
دوسری جانب عمران خان کے انسٹاگرام بائیو پر ان کی پارٹی کی ویب سائٹ کے لنک کی جگہ جعلی ویب سائٹ لنک دیا گیا ہے۔
پی ٹی آئی کی سوشل میڈیا ٹیم نے بتایا ہے کہ عمران خان کا انسٹا گرام اکاؤنٹ ریکور کر لیا گیا ہے اور اسے سیکیور کیا جارہا ہے۔
یاد رہے کہ سابق وزیراعظم اور پاکستان تحریک انصاف کے چیئرمین عمران خان کا انسٹاگرام پر 74 لاکھ سے زائد فالوورز موجود ہیں۔