فلسطین سے مشہوریونانی موسیقار اور سینئر صحافی کا اظہار یکجہتی

ایتھنز (پاک ترک نیوز) مشہور یونانی موسیقار اسپئیرووز لنڈوائس Spyros Lindovoice اور سینئر صحافی یانیس کنیلاکیسYanis Kanellakis نے فلسطینی عوام کی جدوجہد کی حمایت کیلئے ایتھنز میں فلسطینی سفارتخانہ کا دورہ کیا۔ انہوں نے کہا کہ ہم فلسطینی عوام کے ساتھ مکمل اظہار یکجہتی کرتے ہیں اور ہمیں دکھ ہے کہ فلسطینیوں کے آبائی وطن میں فلسطینیوں کو بے گھر کیا گیا ۔ ہم یہ مطالبہ کرتے ہیں کہ اسرائیل فلسطینی ریاست پر اپنا غاصبانہ قبضہ ختم کرے اور فلسطینیوں کا قتل عام بند کرے۔ فلسطینیوں کے ساتھ اظہار یکجہتی کیلئے مشہور گلوکار نے فلسطین کے حق میں نغمہ پیش کیا جس میں اسرائیلی جارحیت کو اجاگر کیا گیا اور فلسطینیوں سے اظہار محبت کا ثبوت دیا گیا۔ یونان میں فلسطینی سفیر مروان طوباسی نے دونوں مہمانوں کا فلسطینی سفارتخانہ آمد پر شکریہ ادا کیا اور دونوں مہمانوں کو مشہور فلسطینی رومال اور تمغوں سے نوازا ۔