قطر عالمی کپ میں منگل کو چار میچ کھیلے جائیں گے

دوحہ (پاک ترک نیوز)

22 ویں ورلڈ کپ فٹ بال ٹورنامنٹ کا میلہ قطر میں جاری ہے ۔ میگا ایونٹ میں شائقین فٹ بال کو انتہائی دلچسپ اور کانٹے دار مقابلے دیکھنے کو مل رہے ہیں۔ عالمی کپ میں منگل کو چار میچ کھیلے جائیں گے۔

فٹ بال ٹورنامنٹ میں کل کھیلے جانے والے پہلے میچ میں گروپ بی کی ٹیمیں امریکا اور ویلز احمد بن علی سٹیڈیم، الریان میں آمنے سامنے ہوں گی۔ دوسرا میچ گروپ سی کی ٹیموں ارجنٹائن اور سعودی عرب کےدرمیان فٹ بال سٹیڈیم ،لوسیل میں کھیلا جائے گا۔ تیسرے میچ میں گروپ ڈی کی ٹیمیں ڈنمارک اور تیونس ایجوکیشن سٹی سٹیڈیم ، الریان میں نبرد آزما ہوں گی ۔ جبکہ چوتھے میچ میں گروپ سی کی ٹیمیں میکسیکو اور پولینڈ سٹیڈیم 974 میں پنجہ آزمائی کریں گی۔

فرانس کی ٹیم میگا ایونٹ میں ٹائٹل کا دفاع کر رہی ہے۔ میگا ایونٹ میں شامل 32 ٹیموں میں میزبان قطر ، ایکواڈور، انگلینڈ، برازیل، بیلجیم، فرانس، ارجنٹائن، سپین، پرتگال، میکسیکو، ہالینڈ ،ڈنمارک، جرمنی، یوراگوئے، سوئٹزرلینڈ، امریکا، کروشیا، تیونس ، کیمرون، کینیڈا، سینیگال، ایران، جاپان، مراکش، سربیا، پولینڈ، جنوبی کوریا ، سعودی عرب، گھانا، ویلز، آسٹریلیا  اور کوسٹا ریکا شامل ہیں۔ان 32 ٹیموں کو 8 مختلف گروپس میں تقسیم کیا گیا ہے۔

میگا ایونٹ کاپری کوارٹر فائنل مرحلہ 3سے 6دسمبر تک کھیلا جائے گا ۔ کوارٹر فائنل 9 اور 10 دسمبر کو ہوں گے۔ جبکہ میگا ایونٹ کا پہلا سیمی فائنل 13 اور دوسرا سیمی فائنل 14 دسمبر کو کھیلا جائے گا۔ تیسری پوزیشن کے لئے میچ 17 جبکہ فائنل میچ 18 دسمبر کو لوسیل آئیکونک سٹیڈیم، لوسیل میں کھیلا جائے گا۔