قومی سکواڈ سہ فریقی سیریز میں شرکت کیلئے نیوزی لینڈ روانہ

لاہور(پاک ترک نیوز) قومی کرکٹ ٹیم سہ فریقی سیریز میں شرکت کیلئے لاہور سے نیوزی لینڈ کے شہر کرائسٹ چرچ روانہ ہو گئی۔سہ فریقی سیریز میں پاکستان کے علاوہ بنگلہ دیش اور میزبان نیوزی لینڈ کی ٹیمیں شامل ہیں۔قومی اسکواڈ 4 اکتوبر کو کرائسٹ چرچ پہنچے گا۔
تفصیلات کے مطابق قومی سکواڈ سہ فریقی سیریز میں شرکت کے لیے لاہور سے براستہ دبئی کرائسٹ چرچ روانہ ہو گیا۔سکواڈ میں 16 کھلاڑی اور سپورٹ سٹاف کے 13 ارکان شامل ہیں۔ نسیم شاہ نے قومی سکواڈ کو ایئرپورٹ پر جوائن کرلیا ہے۔
سہ ملکی سیریز کا آغاز 7 اکتوبر سے ہو گا۔سیریز کا فائنل 14 اکتوبر کو کھیلا جائے گا جس کے بعد پاکستان ٹیم15 اکتوبر کو آئی سی سی ٹی ٹوئنٹی ورلڈ کپ کے لیے آسٹریلیا پہنچے گی۔