قومی کپتان بابر اعظم دی ہنڈرڈ لیگ میں مہنگی ترین کیٹگری میں شامل

لاہور(پاک ترک نیوز) قومی ٹیم کے کپتان بابر اعظم دی ہنڈرڈ لیگ میں مہنگی ترین کیٹگری میں شامل ہوگئے ۔گیل ،مچل مارش ،نارائن ،پولارڈ ،پورن اور تبریز شمسی کو بھی اس کیٹگری میں رکھا گیا ہے۔
تفصیلات کےمطابق دی ہنڈرڈ لیگ ڈرافٹ میں قومی ٹیم کے کپتان بابر اعظم کو سب سے مہنگی ترین کیٹیگری میں جگہ مل گئی۔اس کیٹگری میں بنیادی قیمت 25ہزار پائونڈ ہے ۔
75ہزار پائونڈ والی کیٹیگری میں پاکستان کے محمد عامر اور شاداب خان کے ساتھ حارث رئوف کو رکھا گیا ہے۔ پچاس ہزار ڈالر کیٹیگری میں شعیب ملک، نسیم شاہ جبکہ چالیس ہزار ڈالر کیٹیگری میں شان مسعود، وہاب ریاض اور عماد وسیم کو جگہ ملی ہے۔
کھلاڑیوں کی نیلامی اور ٹیموں کے انتخاب کے لیے پانچ اپریل کا دن مقرر کیا گیا ہے۔ ڈرافٹ میں 16 ممالک کے 284 کرکٹرز کی رجسٹریشن ہوئی تھی۔