لاہور ایک بار پھر آلودہ ترین شہر قرار
لاہور(پاک ترک نیوز) لاہور ایک بار پھر آلودہ ترین شہر قرار دیدیا گیا ۔ شہر کا مجموعی ایئر کوالٹی انڈیکس 372ریکارڈ کیا گیا ۔بھارتی شہر نئی دہلی دوسرے نمبر پر جبکہ کراچی تیسرے نمبر پر رہا ۔
تفصیلات کے مطابق ایئر کوالٹی انڈیکس کے مطابق لاہور میں پرٹیکیولیٹ میٹرز کی مقدار 372 ریکارڈ کی گئی۔دہلی 293 پرٹیکیولیٹ میٹرز کے ساتھ اس فہرست میں دوسرے نمبر پر ہے جبکہ کراچی 160 پرٹیکیولیٹ میٹرز کے ساتھ نواں آلودہ ترین شہر ہے۔محکمۂ موسمیات کے مطابق موسم سرد ہونے کے باعث اسموگ کے ساتھ دھند بھی بڑھنے لگی ہے۔
پاکستان میں آلودگی کے اعتبار سے 402 پرٹیکیولیٹ میٹرز کے ساتھ صنعتی شہر فیصل آباد پہلے نمبر پر ہے، لاہور دوسرے اور بہاولپور 295 پرٹیکیولیٹ میٹرز کے ساتھ تیسرے نمبر پر ہے۔