لاہور ٹیسٹ ، پاکستان پر شکست کے سائے منڈلانے لگے

لاہور (پاک ترک نیوز) لاہور میں جاری تیسرے اور آخری ٹیسٹ میچ میں پاکستان پر شکست کے سامنے منڈلانے لگے۔
351رنز کے ہدف کے تعاقب میں 172رنز پر پاکستان کی آدھی ٹیم پویلین لوٹ گئی۔کپتان بابراعظم 39جبکہ ساجد خان بغیر کوئی رن بنائے کریز پر موجود ہیں ۔
اوپنر عبداللہ شفیق 27،اظہر علی 17،امام الحق 70،فواد عالم 11اور محمد رضوان بغیر کوئی رن بنائے پویلین لوٹ چکے ہیں ۔
مہمان ٹیم آسٹریلیا کی جانب سے پیٹ کمنز ،نتھن لیون نے 2،2جبکہ گرین نے ایک وکٹ حاصل کی۔
آسٹریلیا نے پاکستان کو جیت کیلئے 351رنز کا ہدف دیا ہے۔
یاد رہے کہ سیریز کے پہلے دو ٹیسٹ میچ بغیر کسی نتیجہ کے ختم ہو گئے تھے۔ تیسرا اور آخری ٹیسٹ کا آج آخری روز ہے۔