نیوزی لینڈ کو 10برس بعد ایشین ٹیم کے ہاتھوں گھر میں شکست

ماؤنٹ منگوئی(پاک ترک نیوز) عالمی ٹیسٹ چیمپن نیوزی لینڈ کو 10برس بعد اپنے گھر میں ایشین ٹیم کے ہاتھوں شکست کا سامنا کرنا پڑا ۔بنگلا دیش نے ماؤنٹ منگنوئی میں عالمی چیمپئن نیوزی لینڈ کو انہی کی سرزمین پر 8 وکٹوں سے شکست دے کر تاریخی فتح حاصل کرلی۔
بنگال ٹائیگرزنے گھر کے باہر چھٹی مرتبہ یہ کامیابی حاصل کی ہے 10سال بعد کوئی ایشین ٹیم نیوزی لینڈ میں ٹیسٹ میچ جیتنے میں کامیاب ہوئی ہے۔
عبادت حسین کی شاندار بولنگ کے باعث نیوزی لینڈ کی ٹیم دوسری اننگ میں صرف 169 رنز ہی بنا سکی تھی، مہمان ٹیم نے جیت کے لئے درکار 40 رنز دو وکٹوں کے نقصان پر پورے کر لئے۔
فاسٹ بولر عبادت حسین نے دوسری اننگز میں 6 کھلاڑیوں کو آؤٹ کیا اور مین آف دی میچ رہے۔