ٹی ٹونٹی ورلڈکپ سپر 12مرحلے کا کل سے آغاز ،پاک بھارت ٹاکرا 23اکتوبر کو ہو گا

سڈنی (پاک تر ک نیوز) ٹی ٹونٹی ورلڈ کپ سپر 12مرحلے کا آغاز کل ہو گا ۔ پہلے میچ میں پچھلے ورلڈ کپ کی فاتح آسٹریلیا کا مقابلہ نیوزی لینڈ سے سڈنی میں ہو گا ۔ پاکستانی وقت کے مطابق یہ میچ 12شروع ہو گا ۔پاک بھارت ٹاکرا 23اکتوبر کو ہو گا ۔
تفصیلات کے مطابق آئی سی سی ٹی ٹونٹی ورلڈ کپ کے کوالیفائنگ رائونڈ مرحلہ مکمل ہونے کے بعد سپر 12مرحلے کا آغاز کل سے ہو گا ۔ کل دو میچ کھیلے جائیں گے پہلے میچ میں آسٹریلیا اور نیوزی لینڈ کی ٹیمیں کل سڈنی میں ایک دوسرے کے مقابل آئیں گی جبکہ دوسرے میچ میں افغانستان کو انگلینڈ کی ٹیمیں پرتھ میں ایک دوسرے کے مدمقابل آئیں گی۔
ٹی ٹونٹی ورلڈ کپ میں 23اکتوبر کو بھی دو میچ کھیلے جائیں گے ۔ پہلے میچ میں آئر لینڈ اور سری لنکا ہوبارٹ میں پنجہ آزمائی کریں گے جبکہ پاک بھارت ہائی وولٹیج میچ میلبورن میں کھیلا جائے گا ۔ پاکستانی وقت کے مطابق یہ میچ دن ایک بجے شروع ہو گا تاہم میچ کے دوران بارش کی پیشگوئی کی گئی جس کے باعث روایتی حریفوں کے درمیان میچ بارش سے متاثر ہونے کا خدشہ ہے ۔