ٹی ٹونٹی ورلڈ کپ ، انگلینڈ نے نیوزی لینڈ کو شکست دیدی

برسبین (پاک ترک نیوز ) ٹی ٹونٹی ورلڈ کپ سپر 12مرحلے میں انگلینڈ نے نیوزی لینڈ کو شکست دیدی۔نیوزی لینڈ نے 6وکٹوں کے نقصان پر 158رنز بنائے۔انگلینڈ نے نیوزی لینڈ کو21رنز سے ہرا دیا ۔
تفصیلات کے مطابق آسٹریلیا کے شہر برسبین میں کھیلے گئے میچ میں انگلینڈ نے نیوزی لینڈ کو شکست دیدی۔نیوزی لینڈ 180رنز کا ہدف حاصل کرنے میں ناکام رہی۔نیوزی لینڈ180رنز کے ہدف کے تعاقب میں 158بناسکی۔ فلپس نے 62جبکہ کپتان ولیمسن نے 40رنز کی اننگز کھیلی۔انگلینڈ کی جانب سے کرس ووکس اور سیم کرن نے دو دو کھلاڑیوں کو آئوٹ کیا ۔

انگلینڈ نے ٹاس جیت کر پہلے بیٹنگ کا فیصلہ کیا تھا اور مقررہ بیس اوورز میں 6وکٹوں کے نقصان پر 179رنز بنائے تھے۔
کپتان جوز بٹلر نے 73جبکہ ایلکس ہیلز نے 52رنز کی اننگز کھیلی ۔نیوزی لینڈ کی جانب سے سائوتھی ،سینیٹر،فرگوسن نے ایک ایک کھلاڑی کو آئوٹ کیا ۔
انگلینڈ نیوزی لینڈ کو شکست دے کر گروپ اے میں دوسرے نمبر پر پہنچ گئی ہے ۔