ٹی ٹونٹی ورلڈ کپ فائنل میں بارش ،شائقین کا میچ کا مقام تبدیل کرنے کا مطالبہ
لاہور(پاک ترک نیوز) ٹی ٹونٹی ورلڈ کپ کے فائنل میں بارش کے پیش نظر شائقین نے میچ کا مقام تبدیل کرنے کا مطالبہ کردیا۔
تفصیلات کے مطابق آسٹریلیا کے شہر میلبورن میں ٹی ٹونٹی ورلڈ کپ کے فائنل میں پاکستان اور انگلینڈ مد مقابل ہوں گے ۔ محکمہ موسمیات کی جانب سے 95فیصد بارش کی پیش گوئی کی گئی ۔
کرکٹ شائقین کا اس حوالے سے مطالبہ سامنے آیا کہ میگا ایونٹ کے فائنل کے دن اور ریزرو ڈے پر متوقع بارش کے پیش نظر میچ کا مقام تبدیل کردیا جائے ۔ شائقین کی جانب سے ٹی ٹوئنٹی ورلڈ کپ کا فائنل میلبرن کے بجائے کسی دوسرے مقام پر کرانے کی تجویز دے دی ہے۔