پاکستانی اداکار فیروز خان کے ترک ایکٹر مداح
استنبول-جیوانٹرٹینمنٹ کے ڈرامے خدااور محبت کے تیسرے سیزن کے ٹریلر نے دھوم مچادی ۔ مشہور ڈرامہ نگار ہاشم ندیم کے ناول خدااور محبت پر بننے والے ڈرامے کے مرکزی کردار فیروز خان کی اداکاری کو خوب سراہا جانے لگا۔ عالمی شہرت یافتہ ترک ڈرامے ارطغرل غازی کے مرکزی کرداروں میں شامل جلال المعروف عبدالرحمان غازی نے پاکستانی اداکار فیروز خان کو استنبول کے دورے کی دعوت دے دی،انسٹاگرام پر فیروز خان کی جانب سے شیئر کیے گئے نئے ڈرامہ سیریل ’خدا اور محبت‘ کے ٹریلر پر ردعمل دیتے ہوئے ڈرامے کی تعریف کی اور اردو زبان میں کمنٹ کرتے ہوئےلکھا ’ماشاءاللہ میرے بھائی بہت خوب، استنبول کب آرہے ہو، ہم انتظار میں ہیں۔ترک اداکار کے ٹوئٹ کا جواب دیتے ہوئے فیروز خان نے لکھا ،وہ جلد استنبول جائیں گے، ساتھ ہی وہ ترک اداکار کو اردو میں کمنٹ کرنے پر سراہنا نہ بھولے،خدا اور محبت کے تیسرے سیزن میں اداکار فیروز خان اور اداکارہ اقراء عزیز مرکزی کردار کرتے نظر آئیں گے ۔