پاکستان اور انگلینڈ کے درمیان دوسرا ٹیسٹ میچ کل ملتان میں کھیلا جائے گا

ملتان (پاک ترک نیوز) پاکستان اور انگلینڈ کے درمیان تین ٹیسٹ میچوں پر مشتمل سیریز کا دوسرا ٹیسٹ میچ کل سے ملتان میں کھیلا جائے گا ۔
تفصیلات کے مطابق پاکستا ن کے دورے پر موجود انگلینڈ کل دوسرے ٹیسٹ میچ میں پاکستان کے مد مقابل آئے گی ۔پاکستانی وقت کے مطابق یہ میچ صبح 10بجے شروع ہو گا ۔
قومی ٹیم کو فٹنس مسائل کا سامنا ہے ۔ نوجوان فاسٹ بائولر حارث رئوف بھی انجری کا شکار ہو کر سیریز سے باہر ہو چکے ہیں ۔
تین ٹیسٹ میچوں کی سیریز میں مہمان ٹیم کو ایک صفر کی برتری حاصل ہے ۔انگلینڈ نے راولپنڈی میں کھیلے گئے پہلے ٹیسٹ میچ میں پاکستان کو 74رنز سے شکست دی تھی ۔ سیریز کا تیسرا اور آخری میچ 17دسمبر سے کراچی میں ہو گا ۔