پاکستان سپر لیگ 7،غیرملکی کھلاڑیوں کے نام سامنے آ گئے
لاہور (پاک ترک نیوز ) پاکستان سپر لیگ (پی ایس ایل ) سیزن 7میں شرکت کرنیوالے غیر ملکی کھلاڑیوں کے نام سامنے آ گئے ۔ پلاٹینیم کیٹگری میں ڈیوڈ ملر ،کرس گیل اور جیسن روئے شامل ہیں ۔
تفصیلات کےمطابق پی ایس ایل سیزن 7 کی ڈرافٹنگ میں پلاٹینیم کیٹگری میں جنوبی افریقا کے ڈیوڈ ملر، ویسٹ انڈین بیٹر کرس گیل، انگلش کرکٹر جیسن روئے شامل ہیں جبکہ انگلینڈ کے ٹائمل ملز، انگلش کرکٹر لائم لیونگ سٹون ،جنوبی افریقا کے ریلی روسو، اور افغان کرکٹر راشد خان بھی شامل ہیں۔
نیوزی لینڈ کے سابق وکٹ کیپر بیٹر کولن منرو، جنوبی افریقا کے تبریز شمسی، انگلش کرکٹر ڈیوڈ ویلے اور جنوبی افریقہ کے مرچنٹ دی لینج ڈائمنڈ کٹیگری کا حصہ ہیں۔واضح رہے کہ پاکستان کرکٹ بورڈ (پی سی بی) پلیئرز ڈرافٹ کی حتمی فہرست آئندہ چند روز میں جاری کرے گا۔
پی ایس ایل 7 کے مقابلے 27 جنوری سے 27 فروری تک لاہور اور کراچی کے میدانوں میں کھیلے جائیں گے۔