پاکستان میں سکیورٹی بہترین ،ہم محفوظ محسوس کر رہے ہیں،سٹیو سمتھ

اسلام آباد (پاک ترک نیوز) آسٹریلوی کرکٹر سٹیو سمتھ کا کہناہے کہ پاکستان میں سکیورٹی بہترین ہے اور ہم خود کو محفوظ محسوس کر رہے ہیں۔پاکستان کوہرانے کے لئے بہترین کرکٹ کھیلنا پڑے گی۔
آسٹریلین کرکٹر کا کہنا تھا کہ پریکٹس سیشن میں سٹیڈیم اورپچ دیکھنے کا موقع ملے گا اورکنڈیشنزسے آگاہ ہونے کی کوشش ہوگی۔پاکستان میں کھیلنے کی ہمیشہ سے خواہش تھی۔
تفصیلات کے مطابق آسٹریلیا کے کرکٹر سٹیوسمتھ نے مزید کہا کہ پاکستان کے ساتھ کچھ سال قبل آسٹریلیا میں کھیلے تھے۔ پاکستان ایک اچھی ٹیم ہے۔ پاکستان میں سیکیورٹی بہترین ہے اور ہم محفوظ محسوس کر رہے ہیں۔اسلام آباد میں بہترین میزبانی کی جارہی ہے۔
آسٹریلین کرکٹر سٹیواسمتھ نے آن لائن پریس کانفرنس میں کہا کہ پاکستان کے پاس ورلڈ کلاس کھلاڑی موجود ہیں۔ شاہین شاہ اور حارث رؤف تیز رفتار فاسٹ باؤلرز ہیں۔
انہوں نے کہا کہ مختلف کنڈیشنر میں کھیلنے سے لطف اندوز ہوتا ہوں۔بطورکھلاڑی آسٹریلیا کے لئے کھیلنے پرخوش ہوں۔ پیٹ کمنز عمدہ کپتانی کررہے ہیں۔ دورہ پاکستان کے لئے آسٹریلیا کی ٹیم میں 3 اسپنرز ہیں۔