پاکستان کے 4وکٹوں کے نقصان پر 111رنز

کولمبو(پاک ترک نیوز) سری لنکا کے شہر گال میں جاری دوسرے ٹیسٹ میچ میں چائے کے وقفے تک پاکستان نے اپنی پہلی اننگز میں سری لنکا کے 378رنز کے جواب میں 4وکٹوں کے نقصان پر 111رنز بنا لئے ۔پاکستان کو پہلی اننگز کا خسارہ پورا کرنے کیلئے مزید 267رنز درکار ہیں ۔
فواد عالم 18جبکہ سلمان آغا 13رنز بنا کر کریز پر موجود ہیں ۔امام الحق 32،محمد رضوان 24،کپتان بابر اعظم 16جبکہ عبداللہ شفیق بغیر کوئی رن بنائے پویلین لوٹ چکے ہیں ۔
سری لنکا کی جانب سے فرنینڈو،جے سوریا ،مینڈس اور ڈی سلوا نے ایک ایک کھلاڑی کو آئوٹ کیا ۔
اس سے قبل سری لنکا نے اپنی پہلی اننگز میں 378رنز بنائے ہیں ۔ دنیش چندی مال نے 80،ڈکوالا نے 51جبکہ فرنینڈو نے 50رنز بنائے تھے ۔
پاکستان کی جانب سے نسیم شاہ اور یاسر شاہ نے تین تین جبکہ محمد نواز نے دو کھلاڑیوں کو آئوٹ کیا ۔
یاد رہے کہ دو ٹیسٹ میچوں کی سیریز میں پاکستان کو سری لنکا پر ایک صفر کی ناقابل شکست برتری حاصل ہے۔