پاک انگلینڈ راولپنڈی ٹیسٹ ،ٹکٹوں کی آن لائن فروخت کا آغاز

لاہور(پاک ترک نیوز) پاکستان اور انگلینڈ کے درمیان راولپنڈی ٹیسٹ میچ کی ٹکٹوں کی آن لائن فروخت کا آغاز ہو گیا ہے ۔

شائقین کرکٹ کی بڑی تعداد نے راولپنڈی ٹیسٹ کے لیے ٹکٹیں بک کروالی ہیں تاہم ٹکٹس محدود تعداد میں اب بھی دستیاب ہیں۔
سب سے مہنگا ٹکٹ 500روپے اورکم سے کم ٹکٹ 250 روپے کا رکھا گیا ہے۔ کرکٹ شائقین ویب سائٹ pcb.bookme.pk کا وزٹ کرکے ہر دن کے الگ الگ یا پورے میچ کے ٹکٹس ایک ساتھ خرید سکتے ہیں۔ملتان اور کراچی ٹیسٹ میچز کے لیے ٹکٹس کی فروخت آئندہ ہفتے شروع ہوگی۔
پاکستانی کھلاڑی 24نومبر سے راولپنڈی سٹیڈیم میں ٹریننگ کا آغاز کریں گے جبکہ انگلش کرکٹ ٹیم 27نومبر کو راولپنڈی پہنچے گی ۔پاکستان اور انگلینڈ کے درمیان راولپنڈی ٹیسٹ یکم دسمبر سے شیڈول ہے۔
ملتان اسٹیڈیم 9 دسمبر سے دوسرے ٹیسٹ میچ کی میزبانی کرے گاجبکہ تیسرا اور آخری ٹیسٹ میچ کراچی میں کھیلا جائے گا ۔جس کا آغاز 17دسمبر سے ہو گا ۔