پاک انگلینڈ ٹیسٹ سیریز کیلئے کمنٹری پینل کا اعلان

لاہور(پاک ترک نیوز) پاکستان کرکٹ بورڈ نے پاکستان اور انگلینڈ کے درمیان ٹیسٹ سیریز کےلیے کمنٹری پینل کا اعلان کردیا ہے۔
اعلامیے کے مطابق انگلینڈ سے ڈیوڈ گاور، ناصر حسین، اور مائیکل ایتھرٹن کمنٹری پینل میں شامل ہیں جبکہ پاکستان سے وقار یونس، بازید خان اور عروج ممتاز کمنٹری پینل کا حصہ ہوں گی۔
واضح رہے کہ ناصر حسین اور مائیکل ایتھرٹن پاکستان میں پہلی بار کسی میچ کی کمنٹری کریں گے۔
سیریز کے دوران 27 ایچ ڈی کیمروں کا استعمال کیا جائے گا۔ ٹیسٹ سیریز میں بگی کیم اور ہاک آئی ریویو سسٹم کی بھی سہولت ہوگی۔
پاکستان اور انگلینڈ کے درمیان یکم دسمبر سے 21 دسمبر تک 3 ٹیسٹ میچز راولپنڈی، ملتان اور کراچی میں کھیلے جائیں گے۔