پاک انگلینڈ ٹیمیں خصوصی طیارے سے آج لاہور پہنچیں گی

لاہور(پاک ترک نیوز) پاکستان اور انگلینڈ کی ٹیمیں خصوصی طیارے کے ذریعے آج لاہور پہنچیں گی ۔ 7میچوں پر مشتمل سیریز کے آخری تین میچ لاہور کے قذافی سٹیڈیم میں کھیلے جائیں گے ۔
تفصیلات کےمطابق پاکستان اور انگلینڈ کے درمیان ٹی ٹونٹی سیریز کے آخری تین میچوں کیلئے دونوں ٹیمیں آج خصوصی طیارے کے ذریعے لا ہور پہنچیں گی۔ 7 میچوں کی سیریز کے آخری تین میچ لاہور میں کھیلے جائیں گے۔
دونوں ٹیموں کے درمیان 28ستمبر،30 ستمبر اور 2 اکتوبر کو میچ قذافی اسٹیڈیم میں شیڈول ہیں۔پاکستان اور انگلینڈ کی ٹیمیں کل شام قذافی اسٹیڈیم میں ٹریننگ کریں گی۔
واضح رہے کہ سیریزاب تک دونوں ٹیموں میں دو دو میچوں سے برابر ہے۔ کراچی میں کھیلا گیا پہلا اور تیسرا میچ مہمان ٹیم نے جیتا تو دوسرا اور چوتھا میچ گرین شرٹس نے اپنے نام کیا۔